ກອງປະຊຸມໃຫຍ່ຜູ້ແທນສະຫະພັນກຳມະບານລາວທົ່ວປະເທດ ຄັ້ງທີ
VII ໄຂຂຶ້ນຢ່າງເປັນທາງການໃນວັນທີ 14 ຕຸລາ 2015 ນີ້, ຢູ່ນະຄອນຫລວງວຽງຈັນ ໂດຍການເຂົ້າຮ່ວມຂອງທ່ານ ບຸນຍັງ ວໍລະຈິດ ຮອງປະທານປະເທດ ແຫ່ງ ສປປ ລາວ,
ບັນດາການນຳພັກ-ລັດ ແລະ ມີຕາງໜ້າສະມາຊິກກຳມະບານລາວ ໃນທົ່ວປະເທດເຂົ້າຮ່ວມເປັນຈຳນວນຫລວງຫລາຍ.
ທ່ານ ປ້ານ
ນ້ອຍມະນີ ປະທານສູນກາງສະຫະພັນກຳມະບານລາວ ໄດ້ຂຶ້ນຜ່ານບົດລາຍງານການເມືອງໂດຍຍົກໃຫ້ເຫັນບາງຕອນວ່າ: ໄລຍະ 5ປີຜ່ານມາ, ສະຫະພັນກຳມະບານລາວ ໄດ້ຮັບການພັດທະນາໃຫ້ເຕີບໃຫຍ່ເຂັ້ມແຂງເປັນກ້າວໆມາ, ບົດບາດ ແລະ ຊື່ສຽງຂອງສະຫະພັນກໍາມະບານລາວ ໄດ້ຮັບການຍົກສູງຂຶ້ນເລື້ອຍໆ, ໄດ້ເປັນໃຈກາງເຕົ້າໂຮມຄວາມສາມັກຄີ, ສຶກສາອົບຮົມ ແລະ ປົກປ້ອງສິດຜົນປະໂຫຍດອັນຊອບຂທຳຂອງຊົນຊັ້ນກຳມະກອນ ແລະ ຊາວຜູ້ອອກແຮງງານລາວບັນດາເຜົ່າ, ເຄື່ອນໄຫວຖືກຕ້ອງຕາມສິດຂອບເຂດຄວາມຮັບຜິດຊອບຂອງຕົນ,
ການຈັດຕັ້ງກຳມະບານ ໄດ້ຮັບການສ້າງຕັ້ງຂຶ້ນ ຕາມບັນດາຫົວໜ່ວຍແຮງງານນັບທັງພາກລັດ ແລະ ເອກກະຊົນນັບມື້ກ້ວາງຂວາງ.
ຈາກນັ້ນ ກອງປະຊຸມ ຍັງໄດ້ພ້ອມກັນສັງເກດຕີລາຄາ ແລະ ຮັບຮອງເອົາບົດລາຍງານການເມືອງ ແລະ ທິດທາງແຜນການໃນ 5ປີຕໍ່ໜ້າ (2016-2020), ຮັບຮ້ອງເອົາກົດລະບຽບຂອງສະຫະພັນກຳມະບານລາວສະບັບປັບ ປຸງໃໝ່, ຮັບຮອງເອົາບົດສຳຫລວດຂອງຄະນະບໍລິຫານງານສູນກາງສະຫະພັນກຳມະບານລາວຊຸດທີ VI, ຮັບຮອງເອົາແຜນຍຸດທະສາດພັດທະນາກຳມະບານລາວແຕ່ປີ 2016-2020 ແລະ ແຕ່ປີ
2020-2025, ວິໄສທັດໃນການພັດທະນາກຳມະບານລາວເຖິງປີ 2030 ແລະ ຮັບຮອງເອົາຮ່າງຂໍ້ແຂ່ງຂັນ 2 ດີ
5 ເປັນເຈົ້າ. ນອກຈາກນັ້ນ ຍັງໄດ້ດຳເນີນການປ່ອນບັດເລືອກຕັ້ງເອົາຄະນະບໍລິຫານງານສູນກາງສະຫະພັນກຳມະບານລາວຊຸດໃໝ່.
ໃນໂອກາດດຽວກັນນີ້, ທ່ານ ບຸນຍັງ ວໍລະຈິດ ໄດ້ໃຫ້ກຽດໂອ້ລົມຊີ້ທິດເຍືອງທາງ ໃຫ້ພະນັກງານ-ລັດຖະ ກອນ ກໍຄືສະຫະພັນກໍາມະບານລາວ, ເອົາໃຈໃສ່ສືບຕໍ່ຈັດຕັ້ງປະຕິບັດໜ້າທີ່ວຽກງານວິຊາສະເພາະຂອງຕົນ ໃຫ້ໄດ້ຮັບໝາກຜົນ ແລະ ໄດ້ຮັບການພັດທະນາຂຶ້ນຢ່າງຕໍ່ເນື່ອງ.
No comments:
Post a Comment